На зьмярканьні – шум, гам, звон. Гэта звоняць дуб, граб, клён. Кветак весьніх – жар, бель, сінь, Россып буйная расы. А што за ўрачыстасьць – там? Ці ня варта глянуць нам На вясельле камара, Покуль цепліцца зара? Бо ў пацёмку не відаць, Як хто будзе танцаваць На лістоце траў і дрэў Пад вясельны перапеў. А найгорш – як ня ў свой рот Перакуліш з чаркай мёд, Або з дрэва ў нейкі лом Зьляціш разам з камаром, Аббіваючы бакі Аб дубовыя сукі.
1969
|
|